D. O. M. S.
Philippo RUBENIO I. C.
Ioannis civis et senatoris Antverp. fil.
magni LIPSII discipulo et alumno.
cuius doctrinam poene adsecutus,
modestiam feliciter adaequavit:
Bruxellae Praesidi RICHARDOTO, RomaeASCANIO Cardinali COLUMNAE,
ab Epistolis et Studiis;
S. P. Q. Antverpiensi a Secretis.
Abiit non obiit, virtute et scriptis sibi superstes
v. kal. Septemb. an. Christi CIƆ.IƆC.XI. aetat. XXXIIX,
marito bene merenti Maria de MOY
duum ex illo liberorum Clarae et Philippi mater
propter illius eiusque matris Mariae PYPELINCX sepulchrum
hoc maeroris et amoris sui monumentum P. C.
bonis viator bene precare manibus
et cogita, praeivit ille, mox sequar.
